ԻՆՉՈւ ԵՆ ԴՐԱՄԱՀԱՎԱՔԻ ՆԱԽԱԳԾԵՐԸ ՁԱԽՈՂՈւՄ

HaySatar / Jul 28, 2021

Չնայած նախագծի մեջ շատ ժամանակ, գումար և ջանքեր ներդնելուն, ակնկալելի արդյունքները ոչ միշտ են վերադարձվում: Հաճախ քրաուդֆանդինգի նախագծի ձախողման պատճառը աղետալի պրոեկտն է:

Մի շարք հաջող և ձախողած դրամահավաքի նախագծեր վերլուծելուց հետո` մենք ի վիճակի ենք ընդհանուր գծերով դասակարգել պրոեկտի ձախողման պատճառները:Դրանք հետևյալն են.

1)    Պրոեկտը յուրահատուկ չէ

Պրոեկտի ձախողման հիմնական խնդիրներից մեկը մրցակցային առավելության բացակայությունն է: Երբ առաջարկված ապրանքը կամ ծառայությունը յուրահատուկ չէ`մրցակցություն է առաջանում:  Շատ դժվար առաջարկ է ծախել մի միտք, որը յուրահատուկ չէ, և համոզել ներդրողներին` ներդնել իրենց քրտնաջանորեն վաստակած գումարը մի ապրանքի մեջ, որը ունակ չէ արդարացնել իր առավելությունները իր մրցակիցների հանդեպ:

2)    Պրոեկտը անհաջող կերպով է նախապատրաստված և կազմակերպված

Հաջողակ պրոեկտի համար երկար նախապատրաստումը չափազանց էական է: Շատ ժամանակ և ջանք պետք է ներդրվի պրոեկտի մեջ: Հաջողակ նախագիծը պահանջում է ցանցում մի քանի ամիս մանրակրկիտ աշխատանք կատարել`նույնիսկ մինչև պրոեկտի մեկնարկը: Վատ կազմակերպված պրոեկտը ուղի է դեպի աղետ: Ավելին, դուք երբեք չեք կարող մեկնարկել պրոեկտը, ձեռքերը ծալած նստել, իսկ հետո` փորձել ավտոմատացնել այն. դա երբեք տեղի չի ունենա: Պրոեկտը երբեք մի օրվա աշխատանք չէ. դուք պետք է մշտապես տեղյակ լինեք ձեր պրոեկտից և միշտ հասանելի լինեք` այն ձեր օգտին հարմարեցնելու համար, կլինի դա թե´ անհրաժեշտություն, թե´ երբ հնարավորություն կառաջանա: Պրոեկտը ձախողում է, երբ.

Բավականաչափ ժամանակ ներդրված չէ. ժամանակը մեծ նշանակություն ունի յուրաքանչյուր հաջողակ պրոեկտի համար: Երբ դուք ծրագիր եք նախապատրաստում, դուք պետք է կարողանաք բավականաչափ ժամանակ հատկացնեք դրա պլանավորման և առաջխաղացման համար: Առանց մանրակրկիտ, հեռանկարային ծրագրի նախագիծը դատապարտված է ձախողման:

Պրոեկտի ուղերձը համապատասխան չէ. եթե հիմնական միտքը լավ սահմանված չէ` անհնար կլինի բոլոր մարդկանց հավաքել մի սեղանի շուրջ: Առանց հստակ նպատակների և հստակ ռազմավարության` դրանց հասնելու համար, ներդրողները չեն իմանա, թե ինչն է թիրախը: Առանց պատշաճ հաղորդակցության ներդրողները կարող են հենվել անիրատեսական նպատակների վրա, որոնք հետագայում կհանգեցնեն տարաձայնությունների:

Տեսանյութ չկա ընդգրկված. հաջողված պրոեկտում պարտադիր է տեսանյութի նախապայմանը: Առանց իմաստալից տեսանյութի, որը պարզորեն պատկերում է ձեռներեցների տեսանելիությունը, պրոեկտը կարող է չհուսալ հասնել հաջողության: Որակյալ պատրաստված տեսանյութը ոչ միայն բնութագրում է, թե ինչպես եք դուք ձգտում իրականացնել ձեր նախագիծը, այլև նաև օրինակով ցույց է տալիս, թե ինչու եք ընդհանրապես գնում այդ նախագիծ: Տեսանյութը պետք է լինի համոզիչ և կարողանա տարածում գտնել բազում հարթակներում: Այն պետք է բավականաչափ երկար լինի, որպեսզի կարողանա ներառել բոլոր հիմնական մտքերը, բայց, համենայն դեպս, բավականաչափ կարճ` հետաքրքրությունը պահպանել կարողանալու համար: Այն պետք է ունենա հստակ ձայն և պետք է էկրանի վրա ընդգրկի մակագրեր, որտեղ անհրաժեշտ է` հասկանալը հեշտացնելու համար: 

Պրոեկտը չափազանց բարդացված է. Երբ գործը հասնում է գովազդային պրոեկտին` ավելի նպատակահարմար է ունենալ պարզ և հաճելի բաներ: Պրոեկտում չափազանց շատ բարդացումները կհանգեցնեն թիրախային լսարանի կտրուկ նեղացմանը, և վերջնական արդյունքում դուք կկորցնեք բազում հեռանկարային ներդրողներ միայն այն  պատճառով, որ ձեր պրոեկտը խրթին էր նրանց ընկալման համար: 

Պրոեկտը թիրախավորում է սխալ բազմությունը.  որպես ձեռներեց, ձեզ համար կարևոր է ունենալ ճիշտ լսարանի աջակցությունը: Բոլորին թիրախավորելը անկախ հետաքրքրությունների շրջանակից` գովազդի ապարդյուն փորձ է. այն երբեք չի հանգեցնի անհրաժեշտ մարդկանց ընդգրկմանը: Դուք պետք է երկար ժամանակ ծախսեք` ուսումնասիրելով, թե ով է ձեր թիրախային լսարանը, ինչպես նաև ցուցակագրել այն աղբյուրները, որտեղից կարող եք գտնել այն: 

3)    Պրոեկտը հուզական չէ. 

Որպեսզի պրոեկտը հաջողակ լինի, պարտադիր պայման է, որպեսզի այն արձագանք գտնի ներդրողների և ընդհանուր հասարակության մոտ: Հնարավոր չէ հուզական աստիճանի վրա կապնվել ներդրողների հետ, երբ դուք հուզական տրամադրված չեք ձեր նախագծի հանդեպ: Խանդավառության և ինքնախթանման բացակայությունը անխուսափելիորեն կհանգեցնի պրոեկտի վատ պատկերին: Ներդրողներին հետաքրքրել չկարողանալը բառացիորեն կհանգեցնի պրոեկտի մեջ ներդրումների վատ հեռանկարի: 

Եվ կրկին, տարբեր լսարաններ արձագանքում են տարբեր հուզական խթանների: Այսպիսով, չափազանց կարևոր է ուսումնասիրել լսարանը, հասկանալու համար` թե ամենաշատը ինչի հետ է այն կապված: Հենց որ դուք ունակ լինեք համոզել լսարանին գործել ավելի շատ ոչ թե գլխով, այլ` սրտով, այդ ժամանակ ձեր ձեռքերում կունենաք հաջողակ պրոեկտ:

4)    Պրոեկտը ունի ֆինանսավորման անիրատեսական նպատակներ.

Դրամահավաքի նախագծի պրոեկտի ձախողման հիմնական պատճառներից մեկը ֆինանսավորմանը վերաբերող անիրատեսական նպատակներ դնելն է: Շատ անգամներ նախագիծը բավականաչափ չի ֆինանսավորվում` կապիտալի պահանջների մասին սխալ կանխագուշակումների պատճառով: Շատ պրոեկտներ ձախողել են, քանի որ ձեռներեցները ծրագրեր կազմելիս աչքաթող են արել ֆինանսավորման կենսականորեն կարևոր հատվածները: Միայն այն մեծապարփակ ծրագիրը, որը հաշվի է առնում բոլոր հնարավոր իրավիճակներն ու սցենարները` թեկուզ և աննշաներն ու չնչինները, կարող է լինել հաջողակ` ֆինանսավորման անհրաժեշտ քանակը գրավելու հարցում: 

5)    Պրոեկտն ունի ցուցադրելիության և հայտնիության ցածր մակարդակ.

Ցածր ցուցադրելիությունը քրաուդֆանդինգային ձեռնարկատիրության ձախողումների հիմնական պատճառներից մեկն է: Նախագիծը պարզապես բազում դրամական նախագծերի հարթակներում տեղադրելը դեռևս շատ փոքր քայլ է: Դուք պետք է հասկանաք, որ առանց ցուցադրելիության ոչ մեկ չի իմանա ձեր նախագծի մասին պարզապես նրա համար, որ այն «այնտեղ ինչ-որ տեղ կա»: Դուք պետք է այն ակտիվորեն առաջխաղացնեք բոլոր հնարավոր սոցիալական հարթակներով` ձեր նախագծի համար ամենալավ տեսանելիությունը ապահովելու համար: Օգտագործեք ինտերնետի և ձեր ընկերների, ընտանիքի և ծանոթների, փաստացիորեն` յուրաքանչյուրի ներուժը, ով ներկա է սոցիալական հարթակներում, ձեր պրոեկտը տարածելու համար: Սոցիալական հարթակներում, ինչպես օրինակ` ֆեյսբուքը, կան պրոեկտների վճարովի բազում հնարավորություններ. օգտագործեք դրանք ձեր շահի համար, դրանք ձեզ կօգնեն թիրախավորել համապատասխան լսարանը:

Բացի այդ, հասարակության հետ չափազանց քիչ կապերը բացասաբար կանդրադառնան ձեր պրոեկտի վրա: Շատ կարևոր է իմանալ, որ դուք պետք է ստեղծեք ինչքան հնարավոր է հասարակության հետ շատ կապեր` ՄԻՆՉԵՎ ձեր պրոեկտը սկսելը: Օրինակի համար` եթե դուք պլանավորում եք արտադրել խոտաբույսերով, առանց ֆտորի ատամի մածուկ` կարևոր է ապրանքի վաճառքը սկսելուց առնվազն երկու շաբաթ առաջ ստեղծել և տարածել PR-հոդված` ֆտորի հիմքով ատամի մածուկների բացասական ազդեցությունների և խոտաբույսերով ատամի մածուկների առավելությունների մասին բոլոր հնարավոր հարթակներում: 

Ինչպես նաև, բոլոր հնարավոր հարթակներում տարածելը դեռևս չի նշանակում փոստաղբ տարածել: Եթե ձեր PR-նախաձեռնությունը փոստաղբ է համարվում, ապա այն ձեր համբավի վրա սարսափելի ազդեցություն կունենա: Ձեր նախագծերը տարածեք միայն համապատասխան հարթակներում:

6)    Պրոեկտի արտոնությունները բավականաչափ արժեք չեն ավելացնում

Ձեր պրոեկտի հիմնական խթանը պետք է հանդիսանա հետաքրքրված շրջանակներին որոշակի առավելություններ տրամադրելը: Առանց արտոնությունների հստակ հավաքածուի` անհնար կլիներ գրավել ինչ-որ ներդրողի ուշադրություն: Ներդրողը կներդրի միայն այն դեպքում, երբ համոզված լինի որոշակի եկամտի մեջ, որը իր գործի արժեքը մեծացնում է: 

Ավելի լավ է ենթադրել, որ ձեր ներդրողը իր բոլոր ներդրումներից ստացած եկամտից իր արդար բաժինը ստանալու հարցում շատ եսասեր կլինի: Հիշեք, որ ձեր ներդրողները գումար են ներդրում ոչ թե կապվածությունից` այլ վստահելուց և հարկադրանքից: 

7)    Պրոեկտի սեփականատերը չունի բավականաչապ փորձ.

Շատ նախագծեր հանդիպում են ձախողման` երբ նախագծի սեփականատերը կամ ձեռներեցը ոլորտում չունեն բավականաչափ փորձ: Ձեռներեցը հաճախ չէ, որ նախաձեռնում է ինչ-որ ծրագիր`իր հիմնական փորձից դուրս սահմաններում:

 Համենայն դեպս, այդպիսի ձեռնարկատիրոջ համար պարտադիր է միավորվել այն մարդկանց հենց, ովքեր ունեն համապատասխան գիտելիքն ու փորձը:

8)    Պրոեկտն ունի ժամանակի թերի հաշվարկ.

Ձեր պրոեկտում ամեն ինչ կարող է իր հունով ընթանալ, բայց միայն մի նախադրյալ` ժամանակի սխալ հաշվարկը, կարող է փչացնել ձեր նախագծի ամբողջ հետագա ծավալը: Չափազանց կարևոր է սկսել նախագիծը օրվա ճիշտ ժամին, հաշվի առնելով, իհարկե, թիրախային լսարանի աշխարհագրական դիրքը:  Օրինակ, եթե դուք գտնվում եք Միացյալ Նահանգներում և ձեր թիրախային լսարանը գտնվում է Ճապոնիայում` դուք պետք է մշակեք համապատասխան ժամանակային ինտերվալ Ճապոնիայում(այլ ոչ թե Միացյալ Նահանգներում) ձեր պրոեկտը սկսելու համար: Այս փուլում կարևոր է նշել, որ Միացյալ Նահանգներում և մոտակա տարածքներում բոլոր նախագծերի համար ընդունված ստանդարտը արևելյան ստանդարտ ժամային գոտին է(EST). Առավոտը ամենալավ ժամանակն է աշխարհի յուրաքանչյուր ծայրում պրոեկտը սկսելու համար:

9)    Պրոեկտը «խրվել է ցանցում».

Ձեր պրոեկտը կարող է լինել առցանց, բայց եթե դուք ենթադրում եք, որ ինտերնետը պրոեկտը իրականացնելու միակ միջոցն է` ապա ճշմարտությունից այդքան էլ հեռու չեք: Ձեր պրոեկտը չի կարող խրվել ցանցում` այդքան շատ հաջողակ պրոեկտների դիմաց, որոնք ինտերնետից դուրս են իրականացել` «փաստացի» տեղում, դուք պետք է քայլեր ձեռնարկեք` համոզվելու համար, որ  դուք ինտերնետից դուրս կենսական ներկայություն ունեք: Գովազդային խնջույքներ կազմակերպելը, թռուցիկներ տարածելը, ազդագրեր տեղադրելը այն ամենաարագ միջոցներից են, որոնք կօգնեն ձեր պրոեկտին ստանալ արժանի խթանը:

 

Project SECURITY integration is correct.